منتديات الاحلام

عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي


    عــيـــال آخـــر زمــــن ... فـــعـــلا

    شاطر
    avatar
    hani
    ادارى خاص
    ادارى خاص

    عدد المساهمات : 3167

    عــيـــال آخـــر زمــــن ... فـــعـــلا

    مُساهمة من طرف hani في السبت 27 يونيو 2009, 5:01 pm

    بسم الله الرحمن الرحيم


    السلام عليكم و رحمة الله و بركاته


    أخواني الأعزاء........


    جامعة نيويورك عملت مؤتمر عالمي كبير عشان يناقش فكرة فن مخاطبة
    الأطفال وهذا الموضوع يحتاج بالفعل لمؤتمر وجلسات عمل لأن العيال
    الأيام دي محتاجة طريقة حوار وتعامل غير اللي اتربينا عليها زمان..


    دلوقتى نسيبنا من مؤتمر نيويورك ده ونشوف ان........


    العيال الأيام دى وصلوا... والعالم مفتوح على بعضه..


    مش زينا اللى اتربينا على القناة الأولى والتانية بالتيلة..


    خلاص مينفعش تقول للعيل دلوقتي {العصفورة قالت لي وفتنت لي عليك}..

    عصفورة إيه وهو بيفهم في الموبايل بتاعك أحسن منك؟؟




    ومينفعش تخوف العيل بأبو رجل مسلوخة لأنه هايدخل على جوجل ويعمل
    سيرش



    عن معنى أبو رجل مسلوخة وهيلاقي الموقع بيقول له: دي هجايص وأساطير
    عملوها الكبار ف القرن اللي فات عشان يخوفوا بيها العيال..



    مينفش تعاقبه بأنك تأومه من أودام فيلم بيحبه وبيتفرج عليه.. لأنه
    هايشوفه تاني يوم على نفس المحطة الصبح وإنت ف الشغل.. ويخليك زي
    قرطاس الجوافة..



    عايز تعاقبه.. نزل له فيروس على الجهاز بتاعه ودمر له الوندوز وقول
    له الجهاز مش ها يتفرمط ويتعمل له ست أب من أول وجديد ألا لما يتعدل
    ويشوف مذاكرته و يبقى محترم وبنى آدم..



    لما تعوز تدلعه وتكافؤه على تفوقه.. مينفعش تجيب له بندقية صيد وكوره
    وكتب م المكتبة الخضراء والجو القديم ده كله.. ممكن تظبطه.. تدخل

    عليةdsl.. جامده.. تجيب له screen بويب كام



    مينفعش لو أبنك سألك عن حاجه منتش عارفها.. تألفله أى أجابة من
    دماغك.. بعد يوم ولا اتنين هايعرف الإجابه الصحيحة م التليفزيون ولا
    النت.. وساعتها هيبقى منظرك عامل زي العدة الأريكسون 688.. لما يسألك
    أقعد معاه ع النت ودور معاه ع الأجابة المظبوطة.. بلاش قلة قيمة..



    وأوعى تفهم الواد إن الرياضة هى أهلي وزمالك.. على رأى ماري منيب..
    "بلا نيلللللا".. لأنه دلوقتى عارف لعيبه ريال مدريد والأرسنال وعارف
    أسعارهم كمان



    وأذا طلب رأيك ف أكلة دليفرى م اللى بياكلوها الأيام دي أوعى تقول
    له: يعنى أيه دى ياااد. لأ خليك أب روش.. هز دماغك بألاطه وقول له..
    حلوة طحن..




    أحبائى. رحم الله محمد فوزى الذي قال..



    ذهب الليل طلع الفجر والعصفور صوصو

    شاف القطه آل لها بسبس آلت لو نونو.. نونو..
    مسكين مكنش يعرف اللى فيها







    avatar
    sarra mohamed
    عضو مميز
    عضو مميز

    عدد المساهمات : 260

    رد: عــيـــال آخـــر زمــــن ... فـــعـــلا

    مُساهمة من طرف sarra mohamed في السبت 27 يونيو 2009, 9:04 pm

    فعلا عندك حق
    جزاك الله خير
    avatar
    ahmed
    عضو ذهبى
    عضو ذهبى

    عدد المساهمات : 731

    رد: عــيـــال آخـــر زمــــن ... فـــعـــلا

    مُساهمة من طرف ahmed في السبت 27 يونيو 2009, 9:15 pm

    يا عم هانى هيا دى تربية العيال امال اتنى عاوز اية
    ماهو لو كل ابن عنده اب يربية مكناش سمعنا الكلام دة
    avatar
    kato25
    عضو ذهبى
    عضو ذهبى

    عدد المساهمات : 1130

    رد: عــيـــال آخـــر زمــــن ... فـــعـــلا

    مُساهمة من طرف kato25 في الإثنين 29 يونيو 2009, 1:45 am

    الله عليك يا ابو كيمو
    avatar
    شهد
    عضو فضى
    عضو فضى

    عدد المساهمات : 481

    رد: عــيـــال آخـــر زمــــن ... فـــعـــلا

    مُساهمة من طرف شهد في الخميس 09 يوليو 2009, 9:29 pm

    فعلا ولهى يا جماعه عندكم حق هى دى تربيه الاطفال دلوقتى

      الوقت/التاريخ الآن هو الأربعاء 13 ديسمبر 2017, 10:53 pm